Wasaaradda Waxbarashada Xukuumadda Federaalka Soomaaliya ayaa sheegtay in dhawaan ay bilaabi doonto diyaarinta Manhajka dugsiyada sare ee dalka, si looga gudbo Manaahijta kala duwan ee ay qaataan ardayda dhigata dugsiyada sare.
Agaasimaha Xafiiska Manaahijta iyo fayo dhowrka Wasaaradda Waxbarashada, mudane, Maxamed Xasan Mukhtaar oo wareysi siiyay Radio Muqdisho ayaa sheegay in ay Wasaaradu soo dhameysay wajiyada 1-aad iyo 2-aad ee Manhajka waxbarashada dalka oo kala ah dugsiga hoose iyo midka dhexe,isagooo tilmamay in dhawaan la bilaabi doono Manhajka dugsiga sare oo ku qoran Af-Soomaali.
Dowladda Soomaaliya ayaa hore usoo saartay Manhajka dugsiga hoose,iyadoo shalayne uu Madaxweynaha Jamhuuriyadda Soomaaliya uu daah furay Manhajka waxbarashada dugsiga dhexe.
