Wasiiro, Xildhibaan, Jaamacado, Ururada bulshadakale ayaa ka qeyb galay munaasabad shahaado sharaf howlkarnimo oo ku aadan sare u qaadidda tacliinta sare ee dalka ay Wasiirka Wasaaradda Tacliinta sare ee Soomaaliya Marwo Qadro Bashiir Cali guddoonsiisay Jaamacadda SIU iyo Gudoomiyaha Jaamacadda Prof Yaxye Cali Ibraahim, kaasi oo maanta lagu qabtay Muqdisho, iyadoo xafladda ay goob joog ka ahaayeen marti sharaf kale oo munaasabadda lagu casuumay.
Prof Yaxye Cali Ibraahim Hormuudka Jaamacadda SIU ayaa tilmaamay in dadaal badan ay ku bixiyeen tayaynta tacliinta sare ee dalka, isla markaana ay ka go’atahay in ay sare u qaadaan tacliinta sare.
“Jaamacada SIU waxay kamid tahay Jamaacadaha ku yaala dalka, gara ahaan kuwa magaalada Muqdisho, waxayna leedahay lix kuliyadood ilaa seddex kun oo arday ah ayaa dhigata, waxaana Jamacadu ay isku dayday in ay kordhiso taclinta sare, ayna soo saarto arday leh aqlaaqyaadkii iyo tayadii loo baahnaa maadaama ay yihiin mustaqbalkii uu dalku ku faani lahaa” ayuu yiri Prof Yaxye Cali Ibraahim.
Xildhibaan Cabdiraxmaan Ibraahim Ibbi oo ku hadlayaya magaca Xildhibaanada ayaa ku amaanay Wasaarada waxbarashada iyo tacliinta sare ee dalka dadaalka ay ugu jirto sidii tacliinta sare ee dalka loo tayen lahaa mudo ka badan 20 sanno kadib.
Wasiirka Qorsheynta iyo Iskaashiga caalamig ah Mudane Cabdiraxmaan Sheekh Yusuf Cali Ceynte ayaa ka hadlay muhiimada ay dalka u leedahay horumarinta waxbarshada iyo tacliinta sare.
“Waxbarashadu waxyaabaha asalka unoqon kara meesha aan maanta joogno in aan ka gudubno waxaa asal u ah waxbarshada kow iyo labo iyo seddex ka ah, mararka qaar waa laga quusan karaa oo wadankaan qaraxyaa ka dhacaya waxba kama soo socdaan hadii laga fiiriyo dhinaca waxbarshaduna rajo fiican ayaa ku soo galaysa, marka waxaan bogaadinaya tacliinta sare ee dalka
Wasiirka caafimaadka Xukumada Soomaaliya Marwo Xaawo Maxmed Xasan oo ka hadashay horumarinta waxbarshada dhinaca caafimaadka iyo doorka Jamacadad SIU ay ka qaadnayso, ayaa sheegtey in ka Wasaarada ahaan ay ka shaqeynayaan in la soo kordhiyo qalab caafimaad.
“Marka waxaan reajeynayaa intii bilowdayna in ay sii wado inti kalena in ay raadiso sidii ardayda loo siin lahaa tababar baraktikal ah, hadda waxaan u aadnaa banaanka arimahan baractikalka ah in aan helno in awoodaasi ay wadanka tuimaado, waxaan maqlayay ama aan arkayay in laga hadlayay sidii loo keeni laha qalab iyo daawo.
Marwo Qadro Bashiir Cali Wasiirka Waxbarshada iyo Taclinta sare ee Xukuumadda Soomaaliya ayaa sheegtay in wasaaradu ay aqoonsi siisay jaamacada SIU maadaama ay ka shaqeynayso tayenta taclinta sare .
“Marka Prof Yaxye waxqabadkan aad qabateen, waa mid lagu dayan karo, una baahan in lagu daysado, saas oo kalena waxaan rajeynaynaa Jaamacadaha oo dhan in ay ayaguna ku daydaan Jaamacada SIU oo runtii u diyaarsan sidii laga rabay, haddii ay ahaan lahayd mid Theory ah u ama mid farsamo ah oo ay ardaydu sameynayaan” ayay tiri Marwo
Jaamacadda SIU ayaa ku guuleysatay inay heshiisyo caalami ah ay la galaan Jaamacado ku yaalla Afrika iyo Yurub, waxaana dhawaan la faliyaa in arday gaaraysa 65 arday, loo diro shan Jaamacadood oo ku yaalla dalalka Kenya, Uganda iyo Sudan, kuwaasi oo muddo sanad ah waxbarasho ku soo qaadanaya dalalkaasi, iyadoo ay noqoneyso markii labaad oo madaxda sare ee Jaamacadda SIU ay arday u diraan dalka dibadiisa.
