Weeneynta xuska maalinta dhir beerista Qaranka Soomaaliyeed oo ku beegan 17 April iyo daahfurka Olale dalka oo dhan loogu beerayo Hal miyan oo geed ayeey ku saabsaneyd munaasabadan oo ay soo qaban qaabisay Wasaaradda Xanaanada xoolaha Dhirta iyo Daaqa ee xukumadda federaalka ah ee Soomaaliya, Isla markaana Masuuliyiinta Wasaaradda , guddoomiyaasha degmooyinka waaberi iyo Xamar jajab, qeybaha kala duwan ee shaqalaha Wasaaradda iyo marti sharaf kale.
Munaasabada oo lagu soo bandhigay cilmi baaris lagu sameeyay Faiidada ay dhirtu leedahay iyo Dhibaatada uu nabaad guurku xambaarsanyahay ayaa waxaa ugu horeyn ka hadlay Agaasimaha guud ee Wasaaradda Maxamed Cumar Nuur wuxuuna Dhir beersita ku tilmaamay waajib diini ah oo loo baahnyahay in laga shaqeeyo.
Wasiir ku xigeenka Wasaaradda Xanaanada xoolaha Dhirta iyo Daaqa mudane Cabdikariin Khaliif Dalac Ayaa sheegay in Wasaaraddu ay dadaal ku bixisay sidii Looga hortegi lahaa jarida iyo dhoofinta dhirta maadama ay faaido u leedahay dadka iyo duunyadaba.
Wasiirka Xanaanada xoolaha Dhirta iyo Daaqa ee XFS mudane Xuseen Maxamuud Sheekh Xuseen ayaa shegay in iyaga oo fulinaya barnaamijka tubta dhaqaalaha ee xukuumadda ay laba sano gudahood ku beeri doonaan Hal Milyan oo geed oo laga abuuri doono dalka oo dhan, Wasiirka ayaa intaa ku daray in Dhirta ay muhiim u leedahay Noolaha, Deegaanka iyo Cimilada wuxuuna xusay in Wasaaraddu ay gacanta ku heyso Sharci ka hortagaya xaalufinta dhirta kaas oo dambiile ka dhigi doona qof walba oo lagu helo jaridda Dhirta.
Ugu dambeyn Ra’isul wasaare ku-xigeenka Dalka ayaa daahfuray Olalaha dalka oo dhan loogu beerayo Halka Milyan oo Geed, wuxuuna shacabka soomaaliyeed ugu baaqay ineey ka shaqeeyaan sidii dalka oo dhan dhir beeris loogu sameyn lahaa.
