Dood ku saabsan Sahanka Tirakoobka Soomaaliya oo ay soo qaban qaabisay wasaaradda Qorsheynta iyo Iskaashiga Caalamiga ee Soomaaliya ayna ka qeyb galyeen qeybaha kale duwan ee bulshada ayaa lagu gorfeynayay sidii faham wanaagsan bulshada soomaaliyeed uga heli laheyd Sahan Tirakoob ah oo ay dalka soomaaliya ka sameysay Wasaaradda Qorsheynta iyo Iskaashiga Caalamiga ah.
kulanka ayaa waxa ku sugnaa Uruada Bulshada reyadka ah, iyaga oo ku amaanay wasaaradda Qorsheynta iyo iskaashiga Caalamiga ah isku dayga ay sameysay, Kaas oo bilaaw wanaagsan u noqon karo tirakoob Sax ah oo laga sameeyo kalka.
Related posts
inta uu socday Kulanka waxaa Su’aalo Sahankaasi la xiriira la weydiiyay masuuliyiinta wasaaradda Qorsheynta u qaabilsanaa sahankaasi laga sameeyay dalka, kaas oo inta badan gobalada dalka kala siyaabo kala duwan loo fasirtay, maadaama aan la heynin tirakoob sax ah oo qoys qoys looga qaaday dalka soomaaliya.
Nuur Axmed Wehliye oo Madax u ahaa Gudigii Wasaaradda Qorsheynta u qaabilsana Sahankaasi ayaa Shirka ka sheegay in Qiyaastan la soo saaray ay macno weyn ugu fadhiso soomaaliya, isla markaana ay lagama maarmaan tahay in ay bulshada soomaaliyeed aysan ka Eegin dhinaca Qallooban.
Dr Nuur Ayaa sheegay tirakoob la’anta soomaaliya ay Saameyn xoog leh ku leedahay Dhinacyada Waxbarashada iyo Caafimaadka, Sidaasi darteedna wasaaraddu ay ku baaqeyso in bulshadu ay ka gacan siiso arinkan.
Agaasimaha Waaxda Tirakoobka Wasaaradda Qorsheynta Iyo Iskaashiga Caalamiga ah Axmed Cilmi oo ka mid ahaa xubnihii Su’aalaha laga weydiinayay Sahanka ayaa tilmaamay in dhibaatoyin adag laga soo maray in heerkaasi la soo gaaro, islamarkaana mid kamid ah howlwadeenadii Sahankaasi uu naftiisa ku wayay Howshan Adag.
Agaasimaha ayaa u sharaxay ka qeygalayaasha kulanka maanta, in soomaaliya ay soo wajaheyso laba qatar oo waaweyn, kuwaas oo kala ah tilmaamaha uu muujinayo Deraasadda ee la xiriira in caruurta Shanta Sano ka yar iyo Haweenkuba Soomaaliya uu Number-kooda aad u hooseeyo Qiyaastii la sameeyay.
