Waaxda arrimaha dibadda Mareykanka ayaa sheegtay in Washington ay diyaar u tahay in Moscow ay kala hadasho heshiis Cusub oo dhanka Nukliyeerka ah, inkastoo Ruushka uu maalmo ka hor ku eedeeyay Mareykanka in uu ka baxo wada xaajoodkii Nukliyeerka.
Afhayeenka Wasaaradda arrimaha dibadda Mareykanka, Ned Price oo la hadlayay suxufiyiinta ayaa yiri: “Waxaan diyaar u nahay inaan Ruushka kala hadalno heshiis Cusub oo ku saabsan Nukliyeerka, Waxaana naga go’an inaan billowno wada xaajood cusub” .
Xiriirka u dhexeeya Ruushka iyo Maraykanka ayaa heerkii ugu xumaa gaaray kadib markii ciidamada Ruushka ay weerareen Ukraine, taas oo keentay in Maraykanka uu cunaqabateen kala duwan ku soo rogo Moscow.
Heshiiskii ugu dambeeyay ee Nukliyeerka oo dhexmara labada quwadood ayaa leysla gaaray in la xaddido tirada madaxyada Nukliyeerka ee ay haystaan labada dal.
