Wasiirka Maaliyadda ee Xukuumadda Federaalka Soomaaliya Mudane Cabdiraxmaan Ducaale Beyle ayaa shir guddoomiyay kulan (Video Conference) ah oo ku saabsanaa ka hortagidda caqabadaha dhaqaale ee COVID19.
Shirka ayaa waxaa ka soo qeyb galay wakiilada Hey’adaha dhaqaalada Adduunka, sida IMF, WorldBank, EU, AFDB iyo Wasiirada Maaliyadda ee Dowlad-Goboleedyada.
“Halista Coronavirus waxa ay nooga baahantahay baraarug iyo isku duubni in aan ugu gudubno, sidoo kale waxa aan Allah ka baryeynaa in uu caafiyo inta uu haleelay, inta geeriyootayna Allaha u Naxariisto” ayuu yiri Wasiir Beyle..
Dowladda Soomaaliya ayaa waxaa ka go’an in ay ka hortagto hoos u dhaca iyo saameynta dhaqaalaha inta lagu jiro marxaladaan adag.
