Wasiirka Wasaaradda Warfaafinta, Dhaqanka iyo Dalxiiska ee Xukuumadda Federaalka Soomaaliya Mudane Cusmaan Abuukar Dubbe oo ka qeyb galay kulan looga hadlayay xorriyadda hadalka iyo helitaanka xogta inta lagu gudo jiro doorashooyinka Soomaaliya ayaa sheegay inay lagama maarmaan tahay xorriyadda hadalka, helitaanka macluumaadka iyo xurmeynta saxafiga.
Kulanka oo looga hadlayay damaanad qaadidda helitaanka xogta iyo xorriyadda hadalka inta ay socdaan doorashooyinka ayaa waxaa ka qeyb galay Wasiirka Warfaafinta, Taliye ku-xigeenka Booliska Soomaaliya, guddoomiyaha guddiga doorashooyinka ee heer federal..
Ururradda Warbaahinta madaxa bannaan ee ku midoobay dalladda SIMHA, ayaa kullankaan soo agaasimahay, waxaana goob joog ahaa guddoomiyaha Ururka SIMHA, Xasan Cali Geeseey, agaasimaha Mustaqbal Media Axmed Ciise Guutaale iyo madax ka socotay xafiiska Qaramada Midoobay ee Soomaaliya.
Guddoomiyaha guddiga doorashooyinka heer Federaal mudane Maxamed Xasan Cirro iyo taliye ku-xigeenka Booliska Sakiya Xuseen, ayaa warbaahinta ku bogaadiyay shaqadda ay bulshada u hayaan, waxaana ay ugu baaqeen horumarinta wada shaqeynta iyo tabinta wararka doorashooyinka.
