Wasiirka Arimaha Gudaha Xukuumadda Federaalka Soomaaliya Mudane Axmed Macalin Fiqi, Wasiirka Kalluumaysiga iyo Dhaqaalaha Baluuga ah mudane Axmed Xasan, Lataliyaha Madaxweynaha Qaranka ee Xarirka Baarlamaanka Sakariye Axmed Gaashaan, Siyaasi Liibaan Axmad Xasan, Guddoomiyaha Gudiga Taakulada iyo Dib u xoreynta Koonfurta Mudug Sheekh Cabdiraxmaan Sheekh Maxamed Cismaan, Guddoomiyaha Gobolka Mudug Cabdinaasir Cabdiqaadir Cabdulle iyo Xildhibaanno ka Tirsan Baarlamaanka Federaalka Soomaaliya iyo kan Galmudug ayaa kormeer Dhiirigalin ah ugu tagay Ciidamada Degaanka, Daraawiishta Galmudug Iyo Ciidamada Qalabka sida qeybahooda kala duwan, kuwaas oo ku sugan duleedka degaanka Shabeellow ee koonfurta Gobolka Mudug.
Mas’uuliyiinta heer Federaal iyo Heer Dowlad Goboleed ayaa saraakiisha ciidamada waxay la qaateen kulan saacado badan socday kaas oo lagu gorfeeyey Taatikada Dagaalka lagula jiro Argagixisada, muddada loo qorsheeyey in degaanada Galmudug looga Ciribtiro, iyadoo ciidamada iyo Saraakiisha Hogaamineysa looga mahadceliyay jabkii ay gaarsiiyeen Khawaarijta dagaalkii shalay ka dhacay degaanka Dhagaxdheer ee Koonfurta Gobolka Mudug, kaas oo lagu dilay in kabadan 70 ka tirsan maleeshiyaadka Khawaarijta Al-shabaab.
Related posts
Howlgalka ka socda Koonfurta Gobolka Mudug ayaa laga gaaray guulo balaaran, iyadoo laga xoreeyey degaanno badan oo ka tirsan Koonfurta Mudug, waxaana qasaare balaaran loogu gaystay khawaarijta degaannada ay dagaalada tooska ah ka dhaceen.
