Wasiirka dekedaha iyo Gadiidka Badda ee Xukuumadda Federaalka Soomaaliya ayaa maanta xilalka u kala wareejisay Wasiir ku-xigeenka cusub ee Wasaaradda Dr Mahad Maxamed Xasan iyo Wasiir ku-xigeenkii hore Cismaan Daalo kadib munaasabad kooban oo lagu qabtay xarunta Wasaaradda, waxaana goob joog ka ahaa mas’uuliyiin kala duwan oo ka tirsan Wasaaradda Gaadiidka.
Wasiir ku-xigeenkii hore ee Wasaaradda Gadiidka Cismaan Daalo ayaa sheegay in xilka uu yahay wareegto, isla markaana uu aad ugu faraxsanyahay in maanta uu xilka ku wareejiyo shaqsi wax ku soo kordhin kara howlaha horyaalla Wasaaradda.
Wasiir ku-xigeenka cusub ee Wasaaradda Dekedaha iyo Gadiidka Badda Xukumadda Federaalka Soomaaliya Dr. Mahad Maxamed Xasan ayaa balan qaaday inuu sidii dad dargalin doono shaqadii wanaagsaneyd ay hore usoo qabtaan dhammaan bahda wasaaradda dekedaha iyo gadiidka badda.
Wasiirka dekedaha iyo Gadiidka Badda ee Xukuumadda Federaalka Soomaaliya Maryan Aweys Jaamaca ayaa uga mahadcelisay Wasiir ku-xigeenkii hore ee Waasaaradda Cisman Daalo shaqadi cusleyd ee uu la soo qabtay Wasaaradda, waxaana Wasiir ku xigeenka cusub ay kula dar daarantay in howsha uu halkeeda ka sii wado.
