Wasiir ku-xigeenka Wasaradda Maaliyadda Dowlad Goboleedka Puntland ahna Xildhibane Dowladda federaalka Soomaaliya Mudane Cabdi Ibraahim Warsame Qowdhan iyo wafti uu hoggaaminayo ayaa gaaray magaalada Qardho.
Waxaa magalada ku soo dhoweeyay Duqa degmada, Guddoomiye ku xigeenka Gobolka Taliyaha qaybta, Xisaabiyaha Wasaaradda Maaliyadda Gobolka Kar-kaar iyo mas’uuliyiin kale.
Wasiirka ayaa kormeer shaqo ku tegay goobaha dakhliga ee ay ka mid yihiin, Xarunta Wasaaradda Maaliyadda, Cashuuraha Berriga iyo Garoonka diyaaradaha.
Xisaabiyaha Wasaaradda Maaliyadda Yaasin Cabdi Boss ayaa Wasiirka xog-dheeri ah ka siiyay hannaanka shaqo ee dakhliga gobalka meel wanaagsana uu maraayo ayna wadaan dakhli kordhin ay ka samayn doonnaan degmooyinka xeebaha
Wasiirka ayaa Madaxda kula dar-daarmay in ay kor u qaadaan dakhliga meelaha uu ku baaqday si dowladdu ugudato waajibaadkeeda shaqo ee dalka.
