Wasiirka cadaalada dowlad goboleedka koonfur galbeed Soomaaliya iyo wasiirka awqaafta iyo arrimaha diinta ee koofur galbeed ayaa maanta kormeereen xaruumaha maxkamada, xabsiga dhexe iyo ceelsha biyaha Magaalada xuddur oo xoolaha biyo ka cabaan.
Kormeerkaan maanta ay ku tageen xarumo ay ka mid yihiin maxkamada gobolka Degmada iyo rafcaanka oo hal xaruun kuwada shaqeeya iyo xabsiga dhexe ee Gobolka bakool ayaa waxaa ay ugu kuur galayeen xaalada goobahaan oo loogu adeego bushada
Wasiiradaan oo warbixin ka dhageystay garsoorashaasha maxkamada gaar ahaan marxaladaha kala duwan oo ay ku shaqeeyaan sida mushaar la’aan iyo tababaro ay u baahan yihiin waxaana masuuliyiinta ay balan qaadeen in wax laga qaban doono cabashadooda.
Wasiirka cadaalada Koofur galbeed Xasan ibraahim lubuur ayaa balan qaaday in wax laga bedelayo xaaladaha xabsiga ka jirta waxana talaiyaha ku amray in la daryeelo maxaabiista ku jirta xabsiga.
Sidoo kale masuuliyiinta ayaa waxa ay boogdeen xarumaha bulshada loogu Adeego iyo ceelasha xoolaha laga waraabiyo waxaana maalmahaan ay ku sugnaayeen magaalada xuddur ee gobolka Bakool oo ay kulamo kula yeelanayeen qeybaha kala duwan ee bulshada iyo maamulka.
