Tababarkan oo mudo afar maalin ah ka socday magaalada Baydhabo ee Xarunta Gobalka Baay ayaa waxaa lagu baranaayey wada shaqeynta booliska iyo bulshada si loo xaqiijiyo ammaanka deegaannada Koonfur Galbeed ee Soomaaliya.
Tababbarka oo sidoo kale lagu baranayey dhoorista Xaquuqda Aadanaha ayaa waxaa si wada jira u soo qaban qaabiyey Hay’adda UNDP oo taageero dhaqaale ka helaysa dowladda Japan iyo Wasaaradaha Amniga heer Federaal iyo tan Koonfur Galbeed.
Wasiirka amniga Gudaha ee dowlad Goboleedka Koonfur Galbeed Soomaaliya Mudane Isxaaq Cali Subuq iyo ku-xigeenkiisa Isaaq Baarawe isxaaq ayaa ka soo qeybgaley munaasabada xiritaanka tabbabarka muddada socday.
Wasiirka amniga Gudaha ee Koonfur Galbeed oo tabbabarka si toos ah u xiray ayaa kula dardaarmay kafaa’iideystayaasha oo isugu jiray boolis iyo qeybaha bulshada in wixii tababarka ay ku barteen ay dhaqan galiyaan si loo sugo amniga.
W/D: Siraaji Sheekh Isxaaq
