Wasiirka Amniga ee maamulka Ximan iyo Xeeb Maxamed Daahir Muxumad oo maanta shir jaraa’id ku qabtay magaalada Cadaado ee gobolka Galgaduud ayaa sheegay inuu yahay musharax u taagan qabashada xilka madaxtinimada ee maamulka loo yegleelayo gobolada Mudug iyo Galgaduud.
Waxaa uu sheegay in uu g’aankan qaatay ka dib latashiyo uu la sameeyay qaybaha kala duwan ee bulshada, oo ku nool maamulka Ximan iyo Xeeb isla markaana ku dhiiri geliyay arintaasi isagoo sheegay in uu taageero balaaran ka haysto dadka ku dhaqan deegaanada uu maamulkaasi quseeyo.
Musharaxan ayaa bulshada goboladaas ugu baaqay inay u wada istaagaan sidii ay ugu midoobi laahaayeen hawsha hortaal oo ah hirgalinta maamul ka hana qaada Mudug iyo Galgaduud.
Maalmihii la soo dhaafay ayaa waxaa kordhayay tirada musharixiinta isu soo taagaya inay u tartamaan xilka ugu sareeya maamulka Mudug iyo Galgaduud loo samaynayo
