Wasiirka Amniga Soomaaliya ayaa caasimadda dalka Qatar ee Doha kula kulmay Ra’iisul wasaaraha Qatar Sheekh Abdullah Bin Nasserย Bin Khalifa Al Thani.
Labada mas’uul ayaa ka wada hadlay amniga gobolka gaar ahaan dagaalka ay Soomaaliya kula jirto argagixisada iyo sidii dowladda Qatar ay uga geysan lahayd gacan xooggan, iyadoo la taageerayo hey’adaha Sirdoonka iyo nabaddeynta dalka.
Related posts
Maxamed Abuukar Isloow (Ducaale) wasiirka Amniga Qaranka Soomaaliya, ayaa warbixin ka siiyey Ra’iisul wasaaraha Qatar dhacdooyinkii foosha xummaa ee dhacay 14-kii October iyo 28-kii bishaas ย ee ay argagixisada ku gummaadeen dad maato ah, waxa uu sheegay in hey’adaha Amniga Soomaaliya ay dedaal xooggan ugu jiraan sidii loo hirgelin lahaa Istaraatiijiyad ay nabad-diidku uga caaganaan doonaan caasimadda, si xasillooni buuxda loo gaaro.
Ra’iisul wasaaraha Qatar Sheekh Abdullah Bin Nasserย Bin Khalifa Al Thani, ayaa wasiirka Amniga uga tacsiyeeyey dhibaatadii dalka ka dhacdey, waxa uu ballanqaadey in dowladda Qatar ay diyaar u tahay taageero dhaqaale iyo mid lagy xoojinayo hey’adaha amniga Soomaaliya si muuqatana ay uga qeyb-qaadaneyso ciribtirka Al-shabaab.
Wasiirka Amniga Soomaaliya ayaa inta uu Doha jooga la kulmay guddoomiyaha guud ee Amniga Qatar oo ay isla garteen arrimo ay ka mid yihiin in meel cad ย looga soo wada jeesto dhibaatada gobolka ay ku hayaan kooxaha argagixisada ah.
