Wasiirka Wasaaradda Amniga Xukuuumadda Soomaaliya Mudane Maxamed Abuukar Isloow ayaa maanta magaalada Muqdisho ka furay shirka saddex billaha ee isku xirka howlaha Xafiisyada Hayโadda ee Laamaha Gobollada,safaaradaha iyo xarunta dhexe.
Shirkan ayaa waxaa lagu marti qaaday Hayโaddaha kale ee Dowladda sida Taliska Booliska, Maamulka Gobolka Banaadir, Mareeyaha Garoonka Adan Cadde, Ururada Bulshada iyo Dhalinyarada.
Related posts
Muhiimada shirka ayaa ahaa isku xirka howlaha ka socda xafiisyada Hayโadda iyo sidoo kale hagaajinta wada shaqeynta kala dhaxeysa hayโadaha kale ee Dowladda.
Wasiirka amniga ayaa Hayโadda Socdaalka iyo Jinsiyadda ku ammaanay shaqada wanaagsan oo ay bulshada u hayaan, islamarkaana kula dardaarmay in ay sii laba jibaaraan, sido kale waxa uu sheegay wasiirka in dhawaan Golaha Wasiirada la horgeyn doono Sharciga Socdaalka Dalka oo ay hadda ku howlan tahay diyaarintiisa Hayโadda Socdaalka.
Shirka ayaa warbixino looga dhageystay wixii u qabsoonmay saddaxdii bilood ee la soo dhaafay agaasimayaasha waaxyaha Hayโadda iyo Agaasimayaasha laamaha ay hayโaddu ku leedahay Dowlad Gobolleedyada dalka.
