Wasiirka Arrimaha Dibadda iyo Iskaashiga Caalamiga Mudane Axmed Ciise Cawad ayaa Xafiiskiisa kulan qaabibaad kula yeeshay Safiirka dawlada Qadar u Jooga Soomaaliya Danjire Xasan bin Xamsa Asad Haashim,
Safiirka Qatar ayaa uga horeyn Salaan u gudbiyay Wasiir A.Dibadda uu ka siday Madaxda Dawlada Qadar halka sidoo kale Wasiirka Arrimaha Dibadda Soomaaliya uu salaan u diray dhigiisa dawladda Qadar Sheekh Maxamed bin Cabdiraxmaan bin Jaasim Aala taani, Ra’iisul wasaare kuxigeenka ahna Wasiirka Arrimaha Dibadda Qatar.
Kulanka ayaa looga wada hadlay xiriirka walaaltinimo ee labada Soomaaliya iyo dawlada Qadar, Qaabka iyo hanaanka diblimaasiyaeed ee loo xoojin lahaa iyo sidii loo sii horumarin lahaa heer maanta joogo .
Kulan qaabilaada Wasiirka iyo safiirka Dawlada Qadar ayaa la isku dhaafsadey fikrado iyo aragtiyo kala duwan oo dhamaantood lagu horumarinaayo Xiriirka labada dawladood , Arimaha Gobalka iyo Beesha Caalmka.
Safiirka Xasan Xamsa ayaa Gaari aan xabadda karin ku wareejiyay Wasaaradda Arrimaha Dibadda Soomaaliya si ay Wasaarada ugu adeegsato danaha muhiimka ah , Gaarigaasi Hadiyada ayaa dawlada Qadar ugu Deeqday Xukuumada federaalka ee Soomaaliya iyadoo ah hadiyad ka timid Xukuumadda iyo Shacabka Qatar.
Kulanka ayaa waxaa goobjoog ka ahaa Mudane Cabdulqaadir Axmed-kheyr Cabdi, Wasiiru dowlaha Arrimaha Dibadda iyo Iskaashiga Caalamiga iyo Mudane Mustafa Aadam Dagaal, Agaasimaha Waaxda Carabta ee Wasaaradda arrimaha Soomaaliya.
