Wasiirka Arrimaha Dibadda Soomaaliya Mudane Cabdisalaan Hadliye Cumar ayaa dalka Jabuuti kula kulmay Madaxweynaha dalkaas Ismaaciil Cumar Geelle iyagoo ka wada hadlay Arrimaha Soomaaliya iyo sidii loo xoojin lahaa iskaashiga u dhexeeya Soomaaliya iyo Jabuuti.
Kulanka oo ka dhacay Xarunta Madaxtooyada Jabuuti waxaa looga hadlay Xaaladda guud ee Soomaaliya gaar ahaan Arrimaha Ammanka iyo siyasadda, Wasiir hadliye ayaa Madaxweynaha uga Warbixiyay Xaaladda dalka iyo sid a ay wax u socdaan.
Madaxweynaha jamhuuriyadda Jabuuti Ismaaciil Cumar Geelle ayaa ammaanay Horumarka ay samaysay Dowladda Federalka isagoo Ku Bogaadiyay Howlahaasi sida ay u socoto madaxda Qaranka kuna dhiiri geliyay in Howshaas la sii wado.
Wasiirka Arrimaha Dibadda iyo Dhiiri gelinta Maalgashiga Xukuumadda Federaalka Soomaaliya Cabdisalaan Hadliye Cumar ayaa kulankaasi kaddib la kulmay Dhiggiisa Arrimaha Dibadda ee dalka jabuuti iyagoo ka wada hadlay Horumarinta Cilaaqaadka Labada Wasaaradood iyadoo laysku raacay sidii loo sii horumarin lahaa xiriirkaasi soo jireenka ah.
