Wasiirka Wasaaradda Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya, Mudane Abdisalam Ali, ayaa maanta kulan laba geesood ah la yeeshay Mudane Einar Rystad, Wakiilka Gaarka ah ee Dowladda Norway u qaabilsan Soomaaliya.
Labada dhinac ayaa ka wada hadlay xoojinta xiriirka Soomaaliya iyo Norway, gaar ahaan sidii loo horumarin lahaa iskaashiga siyaasadeed iyo mida diblomaasiyadeed, waxayna sidoo kale dib u eegeen arrimo ay labada dowladood daneynayaan.
Labada Masuul ayaa mar kale xaqiijiyay sida ay uga go’an tahay horumarinta iyo xoojinta iskaashiga iyo xiriirka u dhexeeya labada dal.
