Wasiirka Arrimaha Dibadda iyo Iskaashiga Caalamiga, Mudane Cabdisalaan Cabdi Cali, ayaa maanta oo Khamiis ah wadahadal mirodhal ah kula yeeshay magaalada Baku , Wasiirka Arrimaha Dibadda Azerbaijan, Mudane Jeyhun Bayramov.
Wadahadallada ayaa diirradda lagu saarray xoojinta xiriirka labo geesoodka iyo soo banbixinta fursadaha iskaashi ee dhinacyada ganacsiga, beeraha , tamarta , waxbarashada iyo amniga. Labada dhinac ayaa waxa ay caddeeyeen muhiimadda ay leedahay ambaqaadka wadatashiga iyo iskuduwidda arrimaha la falgalaya xiriirka dhinacyada badan, sida Qaramada Midoobay, Dhaqdhaqaaqa Wadamada Siyaasaddoodu dhex-dhexaadka tahay ee aan janjeerin (NAM) iyo Ururka Iskaashiga Islaamka (OIC).
Kulankani ayaa waxa uu ka tarjumayaa dardarta xooggan ee xiriirka diblomaasiyadeed ee labada dal ka dhexeeya, waxa ayna markale caddayn u tahay sida ay uga go’antahay labada dhinac wax wadaag walaalnimo oo nacfi is-dhaafsi leh.
