Wafdi uu Hoggaaminayo Wasiirka Arrimaha Gudaha iyo Federaalka Xukumadda Soomaaliya Cabdiraxmaan Maxamed Xuseen (Odawaa) ayaa maanta gaaray magaalada Kismaayo ee Xarunta gobolka Jubbada Hoose, waxaana Socdaalkiisa ku weheliya Wasiirka Tamarta iyo Badroolka Maxamed Mukhtaar iyo Wasiiru Dowlaha xafiiska Ra’iisulwasaaraha C/raxmaan Dheere iyo Mas’uuliyiin kale.
Wafdiga ayaa waxaa garoonka diyaradaha magaalada Kismaayo si diiran ugu soo dhaweeyay mas’uuliyiinta maamulka Jubbaland wafdiga Wasiirka ayaana kulamo la qaatay madaxda maamulka jubba .
Related posts
Wasiirka Arrimaha Gudaha iyo Federaalka ayaa magaalada Kismaayo u tagay Arrimo ay kamid yihiin dhismaha Baarlamaanka Jubbaland oo Qorshihiisa laga wado gobolada Jubbooyinka iyo sidoo kale Arrimaha Mideynta Ciidammada.
Mas’uuliyiin ka tirsan maamulka Jubaland ayaa sheegay in wefdigan oo muddo hal maalin ah joogi doona magaalada Kismaayo ay la sameyn doonaan wadatashiyo ku aadan xoojinta wada shaqeynta Dowladda Dhexe iyo maamulka Jubalanad
