Barnaamijka kulanka todobaadka ee ka baxa Radio Muqdisho iyo Telefeshinka Qaranka SNTV ayaa looga hadlay dhismaha Maamul-goboleedyada iyo dadaallada ay arrintaasi ku bixisay Wasaaradda Arrimaha gudaha iyo Federaalka Soomaaliya, iyadoo uu barnaamijka marti ku ahaa Wasiirka Arrimaha gudaha iyo Federaalka C/raxmaan Odawaa.
Wasiir Odawaa ayaa si faahfaahsan uga hadlay dadaalka ay Wasaaraddu u soo gashay hirgelinta nidaamka Federaalka Dalka, isagoo tilmaamay in arrintani ay fududeyn karto inay si fudud u hirgalaan Maamul Goboleedyada, islamarkaana ay fududaato qabsoomidda doorashooyinka ka dhacaya Dalka.
Wasiirka ayaa tilmaamay inay hadda soo dhamaystirmeen dhismaha Maamul-goboleedyada dalka, isagoo si gaar ah u soo qaatay kii ugu dambeeyay oo dhawaan laga hirgaliyay Magaalada jowhay ee Gobolka shabeellada dhexe, kaasoo lagu doortay Madaxweyne iyo ku xigeen iyo Guddoonka Barlamaanka uu yeelanayo Maamul Goboleedka hirshabeelle.
Wasiir Odowaa waxa uu si saraaxad leh uga jawaabay su’aalo ay soo weydiiyeen dhagaystayaasha iyo Daawadayaasha Radiyo Muqdisho iyo Telefishinka Qaranka Soomaaliyeed ee SNTV.
