Wasiirka Arrimaha Gudaha iyo Federaalka C/raxmaan Maxamed Xuseen Odawaa oo la hadlay Radio Muqdisho ayaa sheegay in Dowladda marnaba aysan aqbali doonin gidaarka la sheegay in xuduuda dalkeena uu la wadaago Β Kenya ay ka dhiseyso, taasi uu sheegay in qalad ay tahay.
Wasiirka ayaa sheegay in arrintani dowlada Kenya Raβsiul wasaaraha uu kala hadlay arrintani laakiin hadda ay soo cusboonaatay, wuxuuna dadka Soomaaliyeed uu u sheegay in Dowladda Soomaaliya mowqifkeeda uu cadyahay marna aysan raali ka eheyn darbigaasi.
Related posts
βDowladda mowifkeeda waa cad yahay, darbigaas ay Kenya rabto inay xuduuda ka dhisto nagalama tashan, mana ogolin, dhowaan Wafdi Raβiisul Wasaaraha hogaaminayay oo Kenya tagay, anigana aan la socday waa kala hadalnay dowladda Kenya arrintaas, waxay noo sheegeen in aysan jirinβayuu yiri Wasiir Odawaa.
Sidoo kale Wasiirka ayaa sheegay in markii ay arrintan dib u soo cuboonaatay maalin ka hor uu Raβiisul Wasaare kuxigeenka u yeeray Safiirka Kenya u fadhiya Soomaaliya, isla markaana loo gudbiyay cabasho, ayna ka sugayaan Jawaab.
Baarlamaanka Federaalka ah ee Soomaaliya ayaa si adag uga soo horjeestay qorshaha ay dowladda Kenya ku dooneyso in darbi ay ka dhisto xuduuda, iyadoo shalay gudiyada joogtada ah ee Baarlamaanka kulan Muqdisho ay ku yeesheen si aad ah ay kaga hadleen qadiyadani.
