Wasiirka Wasaaradda Arrimaha Gudaha, Federaalka iyo Dib-u-heshiisiinta XFS Mudane Axmed Macalin Fiqi ayaa xafiiskiisa kulan kula qaatay Agaasimaha Xafiis Goboleedka UNHCR Mudane Mohamadou Dian Balde iyo Wakiilka UNHCR ee Soomaaliya Mudane Magatte Guisse.
Kulanka oo ay sidoo kale wheliso Guddoomiyaha Hay’adda Qaxootiga iyo Barkacayaasha Qaranka Marwo Safiya Xasan Maxamed ayaa looga hadlay Xeerka Qaxootiga iyo Magangalyo Doonka oo ay dhawaan meel-mariyeen Labada Aqal ee Baarlamaanka Federaalka Soomaaliya, isla markaana la filayo in uu dhawaan saxiixo Madaxwaynaha Jamhuuriyadda Federaalka Soomaaliya Dr Xasan Sheekh Maxamuud.
Dhanka kale, Arrimaha la dul istaagay waxaa ka mid ah; xaaladaha ka taagan gobolka iyo caqabadaha ay wajahayaan qaxootiga iyo barakacayaasha Soomaaliya.
