Wasiirka Wasaaradda Beeraha Iyo Waraabka Koonfur Galbeed Soomaaliya Mudane Isaaq Cali Subagle, ayaa si diirran ugu soo dhaweeyay Caasimadda Koonfur Galbeed Soomaaliya ee Baydhabo,Wasiirka Wasaaradda Beeraha iyo Waraabka Xukuumadda Federaalka Soomaaliya Xildhibaan Maxamed Cabdi Xayir Maareeye Iyo wafdigiisa oo ku Safar indha indheen ah ku marayaan dhammaan Dowlad goboleedyada dalka .
Wafdi ka kooban Wasiirada Wasaaradaha Beeraha Iyo waraabka Dowladda Federaalka Soomaaliya, Wasiirka Koonfur Galbeed, Wasiirka Hirshabelle, Wasiirka Galmudug oo ay wahliyaan mas’uuliyiin kale, ayaa maanta soo gaaray magaala Baydhabo.
Wafdiga Ayaa waxaa garoonka diyaarada ee Magalada Baydhabo ku soo dhaweeyey wasiiro, xildhibaano ka tirsan Dowlad Goboleedka Koonfur Galbeed Soomaaliya iyo Maamulka Degmada Baydhabo.
Wasiirka Beeraha iyo Waraabka Xukuumadda Federaalka Soomaaliya Mudane Maxamed Cabdi Xayir Maareeye,Ayaa inta uu ku sugan yahay, Magaalada Baydhabo,Booqan doono Beeraha Qudaarta,iyo dalaga kala duway oo ay soo saartaan dadka ku dhaqan halkaas ee Beeralayda ah.Si wax looga qabto haddii ay jiraan cabaqado heesto Beeralayda Koofur Galbeed Soomaaliya.
