Wasiirka Wasaaradda Caafimaadka Xukuumadda Federaalka Soomaaliya Dr Cali Xaaji Aadan ayaa Xafiiska ku qaabiley wafdi ka socdey hey’adda WFP.
Elkhidir Daloum Madaxa hay’adda WFP ee Soomaaliya ayaa warbixin u gudbiyey Wasiirka Wasaaradda Caafimaadka iyo Daryeelka Bulshada Xukuumadda Federaalka Soomaaliya Dr Cali Xaaji Aadan oo ku saabsaneyd yoolka hey’adda ay kaga qeyb qaadaneyso horumarinta Caafiimaadka iyo Daryeelka Bulshada.
Hey’adda WFP ayaa Soomaaliya ka fulisa Mashaariic waawayn waxayna Hey’adda taageertaa Mashaaric ka mid ah qeybta Caafimaadka iyo Daryeelka Dalka iyadoona Wasaaradda Caafimaadka Xukuumadda Federaalka Soomaaliya ka taageerta Mashaariicda la xiriira qeybta quudinta dadka ay soo riteen Nafaqo daradda (Malnutrition).
Wasiirka Wasaaradda Caafimaadka iyo Daryeelka Bulshada Xukuumadda Federaalka Soomaaliya Dr Cali Xaaji Aadan ayaa bogaadiyey doorka Hey’adda ay ku leedahay horumarinta Caafimaadka iyo sida ay uga go’an tahay iskaashiga ku saleysan in Soomaaliya qeyteeda Caafimaadka uu kor usoo kaco si gaar ah in xal laga gaaro qeybaha ay sida gaarka ah u taageeraan.
Wasiirka ayaa ugu dambeyn sheegey in ay sii xoojin doonaan wada shaqeyntii ay la lahaayeen World Food Programme isagoona soo hadal qaadey in si dhab ah wax looga qabto dadka ay abaaruhu saameeyeen ee ay soo food saartey Macluusha si wax looga qabto Caruurta iyo Waayeelka ay soo ridaneyso Nafaqo la’aanta daran ee ka jirta dhamaan Gobolada Dalka.
