Wasiirka Cadaaladda ee Xukuumadda Federaalka Soomaaliya mudane Cabdiqaadir Maxamed Nuur ayaa hambalyo iyo bogaadin u diray shacabka iyo Maamulka Puntland oo maanta qabtay doorasho qof iyo cod ah oo ay ku dooranayaan Xildhibaannada Golaha Deegaanka
“Waxaan maamulka iyo Shacabka Dowlad Goboleedka Puntland ku bogaadinaayaa sida dhiiranaanta leh ee ay u qabteen doorashada Golaha Deegaanka ee qaar ma mid ah magaalooyinka Puntland. Tani waxay cadeen u tahay hadii aan dadaalno sida ay suuragalka u tahay in dalka guud ahaan laga hirgelin karo doorasho hal qof iyo hal cod ah”. Ayuu yiri Wasiir Cabdiqaadir.
Wasiirka Cadaaladda Soomaaliya ayaa xusay in shacabka oo awooda lagu celiyo doorasho xor iyo xalaal ahna loo qabto ay tahay astaan muujineysa dimoqaraadiyad iyo ilbaxnimo, isagoo intaa ku daray in shacabku tahay meesha kaliya ay go’aan uga qaadan karaan cidda xaqa u leh hogaanka iyo aaya ka talinta masiirkooda.
