Wasiirka dhallinyarada iyo ciyaaraha ee xukuumadda Federaalka Soomaaliya ayaa sheegay in wasaaraddu qorsheyneyso dib u dhiska garoomadii ciyaaraha eek u burburay dagaalladii dalka ka dhacay.
Maxamed Cabdullaahi Xasan Nuux wasiirka dhallinyarada iyo ciyaaraha oo ka hadlayay munaasabad lagu xusayay maanlita dhallinyarada adduunka oo shalay lagu qabtay Muqdisho ayaa tilmaamay in markii la dhiso garoomada ay suurtagal tahay in dalka lagu qabto ciyaaro caalami ah.
“Waxaa dhici doona ciyaaro badan in lagu qabto dalka, waxaa jira garoomada qaarkood sida garoonka Stadium Muqdisho oo dad badani ay ka dhursugayaan waqti dhow in uu howlgalo waxaa jira dadaal badan oo ah in garoonkaasi la dayactiro” ayuu yiri wasiirka dhallinyarada iyo ciyaaraha ee dowladda federaalka Soomaaliya.
Wasiirka ayaa rajo wanaagsan ka muujiyay in goor dhow garoonkaasi dib loo dhiso, isagoo xusay iney jiraan hey’ado badan oo ay wasaaraddu la kaashaneeyso dib u dhiska garoonkaasi.
