Wasaaradda Dhallinyarada iyo Isboortiga Jamhuuriyadda Federaalka Soomaaliya oo ka faa’iidaysanaysa hibada dhallinyarada Soomaaliyeed, ayaa bilaabaysa Olole Wacyigelin ah oo ballaaran oo ay ugu horeeyaan mid dhallinyarada Soomaaliyeed looga digo halista Maandooriyaha ( Daroogada) looguna sheego kaalinta dhallinyarada ee dowlad dhiska iyo Nabadda dalka ku leeyihii .
Wasiirka Wasaaradda Mudane Xil Maxamed Barre Maxamuud oo ay weheliso Agaasimaha waaxda Hal-abuurka iyo wacyigelinta Dhallinyarada Ikraam Cabdullaahi Jogow, ayaa xafiiskiisa ku qaabilay Fanaanka ahna Hal-abuurka Soomaaliyeed ee Cabdirashiid Muxyadiin Kaalmow oo hormuud u ah Olole ay kooxo dhallinyaro ahi bilaabeen oo xoogga lagu saari kaalinta Fanka ee Nabadda is-dhexgalka iyo la dagaalanka Hayb-sooca.
Wasiirka Maxamed Barre Maxamuud, ayaa bogaadiyay Fanaan Cabdirashiid iyo kooxaha Dhallinyarada ee uu horumarka u yahay isagoo xusay in wacyigelinta Dhallinyarada ee xagga Maandooriyaha xoogga la saaro maadaama uu yahay halista ugu weyn ee dhalinyaradu wajahayso maanta Argagixisada ka dib.
“Cadowga labaad ee dhallinyarada Soomaaliyeed in laga xorreeyo u baahan waa Maandooriyaha ( Daroogada) oo halis weyn ku haysa u baxii mustaqbalka” Ayuu yiri Wasiir Maxamed Barre Maxamuud.
