Wafdi isu gujira Wasiro, Xildhibano, taliyayaal, Gudomiyeyal Degmo iyo Oday dhaqameedyo oo uu Hogaaminayo Wasiirka Wasaaradda dib-u-heshiisiinta iyo dib u dejinta dowlad Goboleedka Hirshabelle Eng Cabdikariim Cali Nuur oo howlo shaqo ku joogay maalmihi la soo dhaafay deegaanno hoosyimaada degmada Cadale oo beelo walaala ah ay ku dagaalameen ayaa Madaxda Hirshabelle, Dowladda Federaalka iyo Beesha Caalamka ugu baaqay in la gar gaaro dadka ku barakacay dagaalka sokeeye, lana garab istaago dadaallada ay waddo Wasaaradda dib-u-heshiisinta Dowlad Goboleedka Hirshabelle si loohelo Nabad iyo Xasilooni.
Wafdi uu horkacayay Wasiirka dib-u-heshiisiinta Hirshabelle Mudane Cabdikariim Cali Nuur ayaa intii uu joogay Degmada Cadale waxa uu kulamo la qaatay odayaasha labada dhinac ee dirirtu dhex martay, waxaana uu kala hadlay in ay joojiyaan xabada, weyna ubalan qaadeen labada dhinac, waxa kala uu kala hadlay ahmiyadda ay u leedahay bulshada Nabadda in laga wada qeyb qaato..
Sidoo kale Eng Cabdikariim Cali Nuur ayaa sheegay in ka Wasaarad ahaan ay ka shaqeyn doonaan sidi gogol Nabadeed loogu fudin lahaa beelaha walaalaha ah oo ay dirirtu dhextaalo, si loo helo dib-u-heshiisin rasmi si loogu wada noolaado walaaltinimo iyo nabad, sidoo kalena ay ka qeyb qaadan doonaan dib u dejinta qoysaska saameynta ay ku yeelatay colaadda.
Wasiirka dib-u-heshiisiinta iyo dib udejinta Dowlad Goboleedka Hirshabelle ayaa waayihi dambe kormeer ku tagayay deegaanno hoostaga Hirshabelle, isagoo bulshada kulamo la qaadanayay, islamarkaana uu ka wacyi galinayay dhibaatada ay leedahay in colaad la huriyo oo dad walaal ah ay dhiig iska daadiyaan, waxaana qorshuhu yahay oo Wasaaraddu hormuud u tahay kulamo wacyi galin ah laga sameeyo guud ahaan deegaannada Hirshabelle.
