Magaalada Baydhabo ayaa maanta lagu qabanayaa doorashada saddex kursi oo ka banaan Golaha Shacabka Baarlamaanka Federaalka Soomaaliya.
Kuraasta la dooranayo waxaa kala baneeyey Xuseen Cismaan Xuseen Taliyihii hore ee Hay’adda Nabadsugidda, Axmed Cabdulle Mayow (Cornel Ruush) oo dhintay iyo Madaxwaynaha Koofur Galbeed Cabdicasiis Xasan Maxamed.
Gudiga madaxa banaan ee doorashooyinka oo ku sugan Baydhabo ayaa maamulaya hawsha doorashada oo goor dhaw bilaabanaysa, Telefeshinka Qarankuna toos u soo tabin doono.
Hadaba qaban qaabadii ugu dambeysay ayaa ka socota magaaladaasi baydhabo ee xarunta gobolka Bay,iyadoo ay diyaar yihiin musharixiinta u tartamaysa buuxinta boosaskaasi.
