Gen C/qaadir Sheekh Cali Diini Wasiirka Gaashaandhiga Xukuumada Federaalka ah Ee Soomaaliya ayaa ka hor inta uusan soo gaba gabeyn Booqashadiisii Gobolka Galgaduud saaka waxaa uu Booqday Xerada Ciidamada Xooga Dalka Ee 21-aad oo ku taala Degmada Dhuusa mareeb Ee Xarunta Gobolka Galgaduud Halkaasi oo uu warbixin la xiriirta Ciidanka kaga dhageystay Taliska Qeybta.
Wasiirka iyo Guddoomiyaha Gobolka Galgaduud Xuseen Cali wehliye Cirfo waxaa ay Shir jiraaโid ku qabteen Garoonka Diyaaradaha Degmada Duusa Mareeb, iyadoo Guddoomiyaha Gobolka uu mahadnaq balaaran u jeediyay Wasiirka Difaaca Howshii uu ka qabtay intii uu ku sugnaa Guriceel, isagoo balan qaaday in waxyaabaha dhiman uu Maamulka Gobolku dhameystiri doono.
Wasiirka difaaca Soomaaliya Mudane C/qaadir Sheekh Cali diini ayaa waxaa uu ka hadlay waxyaabihii u qabsoomay intii uu ku sugnaa Gobolka Galgaduud waxaana uu sheegay wasiirku in uu ku guuleystay Xalinta Dagaalkii Guriceeel iyo arrimo kale waxaana uu u rajeeeyay Shacabka ku dhaqan Gobolada Mudug iyo Galgaduud in ay u midoobaan Dhismaha Maamul ay yeeshaan.
Wasiirka Gaashaandhiga Dowladda Federaalka ah C/qaadir Sheekh Cali ayaa waxaa uu Gobolka Galgaduud ku tagay socdaal qaatay labo asbuuc iyadoo ujeedka uu halkaa u tagay uu ahaa xalinta Xiisadii ka taagneeed Degmada Guriceeel Arintaas ayaana wasiirka waxaa u suura gashay in uu ku guuleysto Magaalada Muqdisho Ee Caasimada Dalka ayuuna wasiirku Dib ugu soo laabtay Maanta.
