Wasiirka cusub ee Wasaaradda Gaadiidka iyo Duulista Hawada Xukuumadda Federaalka Soomaaliya, Marwo Fardowso Cusmaan Cigaal ayaa maanta xilka la wareegtay, taa oo ka dhigan inay tahay gabadhii u horraysay ee xilkan qabata.
Munaasabadda xil-wareejinta oo ka dhacday xarunta Wasaaradda waxaa ka qaybgalay Raโiisul Wasaare ku-xigeenka Xukuumadda Federaalka Soomaaliya, Mudane Saalax Axmed Jaamac , Wasiir Wasaasaaradda Gaadiidka iyo Duulista Hawada, Agaasimaha guud ee Wasaaradda, maareeyaasha hayโadda duulista Hawada iyo garoonka diyaaraha ee Aadan Cadde iyo masโuuliyiin kale.
Related posts
Wasiirkii hore ee Wasaaradda Gaadiidka iyo Duulista Hawada Soomaaliya, Mudane Duraan Axmed Faarax oo xilka ku wareejiyay Wasiirka cusub ayaa ka warbixiyay howlaha muhiimka ah ee ka socda Wasaaradda , isagoo u rajeeyey Wasiirka cusub in uu rabbi ku guuleeyo masโuuliyada adag ee ah u adeeggidda Qaranka Soomaaliyeed.
Wasiirka cusub ee Wasaaradda Gaadiidka iyo Duulista Hawada Soomaaliya, Mudane Marwo Fardowso Cusmaan Cigaal oo ugu horrayn u mahadcelisay Wasiirkii hore ee xilka wareejiyay iyo masโuuliyiinta kale ee Wasaaradda ayaa tilmaamtay sida ay uga goโantahay in ay sii anbaqaado qorsheyaasha lagu horumarinayo adeegyada Gaadiidka iyo Duulista Hawada ee dalka,iyadoo muujisay inay xoojinayo arrimaha mudnaanta iyo hor-tebinta u leh Wasaaradda.
โWasaaraddan waxay muraayad u tahay dalka, waxaan doonayaa inay doorkaa muujiso, Sidoo kale Waxaan doonaya dhammaantayo oo mid ah in is beddel wadajir ah aan halkan ku sameynayo.โayay tiri Wasiirka Duulista Hawada.
Raโiisul Wasaare ku-xigeenka Xukuumadda Federaalka Soomaaliya, Mudane Saalax Axmed Jaamac ayaa gabagabadii sheegay in Wasaaradda ay muhiimad weyn u leedahay dalka, isla markaana laga sugayo Wasiirka cusub inay uu wax badan ka qabato hagaajinta hannaanka isku xirka iyo horumarinta waaxyaha iyo adeegyada Wasaaradda.
