Garoonka diyaaradaha Degmada Xudur ayaa waxaa maanta si rasmi ah uga bilowday dhismaha garoonka oo noqonaysa tii ugu horeysay ee abid garoonka yeesho, kaasi oo ay hirgelinayso Wasaaradda Gaadiidka iyo Garoomaha dowlad Goboleedka Koonfur Galbeed oo kaashanaysa Guddiga isxilqaan iyo maamulka degmada.
Dhismaha cusub waxay ka koobnaan doontaa qeybta nashashada, hoolweyn, qolal rakaabka loogu adeego iyo musqulo, kadib markii Wasiirka Gaadiidka dowlad Goboleedka Koonfur Galbeed uu maanta geeyay Xudur diyaarado xamuul ah oo sida shamiindadii lagu dhisi lahaa, maadaama gudaha magaalada aan laga heleynin.
Guddoomiyaha Degmada Xudur Maxamed Macalin iyo Guddoomiyaha Gobolka Bakool mudane Ibraahim Macalin Nuur Shiine ayaa Wasiirka uga mahadceliyey shaqada uu ka bilaabay garoonka diyaaradaha magaalada Xudur.
Wasiirka Gaadiidka Dowlad Goboleedka Koonfur Galbeed Soomaaliya Mudane Xasan Xuseen Maxamed oo maalmihii lasoo dhaafey Xudur ku sugnaa ayaa sheegey in ay ka go’antahay hirgelinta dhismaha garoonka oo si casri ah loo dhisayo, si bulshada ay u heleen goobo loogu adeego.
