Wasiirka Gaashandhiga Dawlada soomaaliya Mudane Cabdiqaadir sh.Cali diini waxaa garoonka Diyaaradaha Ee Magaalada Kismaayo kusoo Dhaweeyay Madaxweyne ku xigeenka Koobad Ee Jubbaland Cabdulaahi Sheikh Ismaacil Fartaag iyo Xubno katirsan Labada Gole Ee Maamulka Jubbaland waxaana intaas kadib loo galbiyay Xarunta Madaxtooyada Ee Magaalada Kismaayo iyadoo halkaas uu ku Qaabilay Madaxweyne Axmed maxamed islaam.
Gaba gabadii waxaa Saxaafada si wada jir ah ula hadlay Madaxweyne Axmed maxamed islaam iyo Cabdiqaadir Sheeekh Cali diini.
Axmed Maxamed islaam Madaxweynaha Jubbaland oo goobta ka hadlay ayaa Wasiirka ku Amaanay sida uu uga Qayb Qaatay nabad kusoo dabaalida Meelo badan oo Soomaaliya ah isla markana waxaa uu sheegay in ay ku soo
dhawaynayaan Magaalada Kismaayo.
“Waxaan Filayaa Cabdiqaadir in uu kamid yahay raga sida weyn ula socday Dhaqdhaqaaqena ilaa maalinkii Aan Xuduudka soo dhafaynay oo ay ka go’nayd in Dalka la xoreeyo waxaana isleehay in Arintaas maanta Wakhtigeedi la tagan yahay Aad baana ugu soo Dhawaynaynaa Magaalada Kismaayo”ayuu yiri Madoobe.
Wasiirka gaashandhiga xukumada Soomaaliya mudane C/qaadir Sheekh Cali Diini ayaa sheegay in uu ku Faraxsan yahay imaanshahiisa magaalada Kismaayo madaxda Jubbaland ay ka wada hadli doonan Dhismaha Ciidamada
qaranka Soomaaliyeed.
“Waan ku Faraxsanahay imaanshahayga Maanta Ee Magaalada Kismaayo waxaana la jooga xiligii Aan u midoobi lahayn sidii Aan u Dhisi lahayn Ciidamo qaran oo soomaaliya ay leedahay Waxaana rajaynayaa in Ciidamadaas Dhismahooda idinkuna Aad ka Qayb qaadataan si mar danbe aysan Ciidamadeenu inooga Burburin lama joogo xili la is yidhaahdo hebal baa Hebal salaamayay iyo Hebal baa hebal la sawiraa Ee waa in Aan u midawno Dhismaha Ciidamada Qaranka Soomaaliyeed”ayuu yiri wasiirka.
Dowlada federaalka ah ee soomaaliya ayaa dadaal ugu jirta sidii loo sameyn lahaa dhismaah ciidamo qaran ayadoo dhawaan gudi arintaasi loo xilsaarayna uu bilaabay howlahaasi oo ay iska kaashanayaan dowlada Soomaaliya iyo maamulk goboleedyada.
