Barnaamijka kulanka Todobaadka ee ka baxa Radio Muqdisho iyo Telefishinka Qaranka Soomaaliyeed ayaa looga hadlay waxqabadka wasaaradda Gaashaandhiga iyo dadaalada dib loogu dhisayo Ciidanka Xooogga Dalka Soomaaliyeed oo qeyb ka ah in dhawaan la howlgalinayo shirkad sameyneysa qalabka ciidanka sida Dareeska Ciidamada oo baahi weyn loo qabo.
Barnaamijka waxaa marti ku ahaa wasiirka Wasaaradda Gaashaandhiga Xukuumadda Federaalka Soomaaliya Gen C/qaadir Sheekh Cali Diini ayaa faah faahin ka bixiyay horumarada ciidanka Xoogga Dalka Soomaaliyeed ay ku tilaabsadeen oo uu sheegay in naftooda habeen iyo maalin ay u hurayaan dhiigooda daafaca qaranimada.
Gen C/qaadir Sheekh Cali Diini Wasiirka Gaashaandhiga Xukuumadda Federaalka Soomaaliya ayaa intii uu socday barnaamijka si faahfaasan uga jawaabay su’aalo kala duwanaa oo ay soo weydiinayeen qaar ka mid ah dhageystayaasha barnaamijka.
Sawir qaade: Qadar Cali Nuur
