Wasiirka Ganacsiga iyo Warshadaha Xukuumadda Federaalka Soomaaliya Mudane Jabriil Cabdirashiid Xaaji, ayaa maanta daahfuray qabashada araajida qandaraasyada fulinta ee lagu hubinayo waafaqsanaanta shixnadda ka hor (Pre-Shipment Verification of Conformity PVoC) kaas oo ay ka soo qeyb galeen shirkado kala duwan oo tartan u geli doona ku guuleysiga fulinta qandaraaska.
Wasiirka, ayaa sheegay inay ka go’an tahay sidii dalka loogga joojin lahaa waxyaabaha tayadoodu hoosayso ee laga soo dhoofiyo dalka dibaddiisa si loo ilaaliyo badqabka caafimaad ee noolaha iyo bii’ada.
