Ka tashiga Caqabadaha heysta ganacsatada qeybahooda kala duwan iyo sida ugu haboon ee looga gudbi karo Laguna horumarin karo dhaqaalaha dalka, loona abuuri karo maalgashi wanaagsan ayuu ku saabsanaa kulankan uu Wasiirka Ganacsiga Mudane Maxamed Cabdi Xayir Maareeye la qaatay qaar ka mida Ganacsatada beeraha, Kallumeysiga, Xoolaha iyo shirkadaha wax dhoofsada soona degsada.
Kulanka oo ay goob joog ka ahaayeen Xildhibaan Sacdiyo Careys Ciise oo xubin ka ah Guddiga Ganacsiga ee Golaha Shacabka iyo Guddoomiye ku-xigeenka rugta Ganacsiga ayaa la isku weydaarsaday fikrado iyo tusaalooyin kala duwan sida fududeenta canshuurta, dhiirigelinta wax soo saarka dalka, tayeynta badeecadaha dalka soo gala iyo kuwa ka baxa, iyadoo ugu dambeyn goobta looga dhawaaqay Guddi ay ku mideesanyihiin ganacsatada qeybaheeda kala duwan iyo xubno ka tirsan Wasaaradda Ganacsiga iyo Warshadaha Soomaaliya, kaas oo ka shaqeyn doona xoojinta tayada iyo tirada waxyaabaha ay Soomaaliya u suuq geyn karto wadamada ay ganacsi wadaaga la tahay.
Axmed Sheekh Cabdullahi Warsame Madaxa qeybta Ganacsiga dibadda ee Wasaaradda Ganacsiga iyo Warshadaha ayaa goobta ka akhriyey magacyada Guddiga la magacaabay iyo shaqada ay qaban doonaan.
Wasiirka Ganacsiga iyo Warshadaha Soomaaliya Mudane Maxamed Cabdi Xayir Maareeye ayaa Guddiga la dhisay ku booriyay in ay si wanaagsan u gutaan waajibaadka loo igmaday.
Akhriso magacaabista guddiga
