Wasiirka Maaliyadda XFS oo kulan la yeeshay dhiggiisa dalka Kuwait
Wasiirka Maaliyadda Xukuumadda Federaalka Soomaaliya, Mudane Biixi Imaan Cige, ayaa magaalada Kuwait kula kulmay dhiggiisa dalka Kuwait, Marwo Eng. Nuura Sulaiman Al-Fassam, iyo saraakiil sare oo ka tirsan Wasaaradda Maaliyadda ee dalkaasi.
Kulanka, oo miro-dhal ahaa, ayaa labada dhinac si gaar ah uga wada hadleen arrimaha maalgelinta iyo ganacsiga, iyadoo madaxda dowladda Soomaaliya ay dhawaanahanba dadaal xooggan ku bixineysay sidii loo maalgalin lahaa ilaha soo saarka dhaqaalaha dalka.
Wasiirka Maaliyadda Xukuumadda Federaalka Soomaaliya,ayaa uga mahadceliyay dowladda Kuwait taageeradeeda taariikhiga ah ee ay ku laheyd hannaankii deyn-cafinta Soomaaliya. Waxa kale oo uu ballan qaaday in la xoojin doono xiriirka wada shaqeyneed ee ka dhexeeya Soomaaliya iyo Kuwait, si loo kobciyo dhaqaalaha iyo qorshayaasha maalgelineed ee dowladda Soomaaliya.
