Wasiirka Maaliyadda Xukumadda Federaalka Soomaaliya Mudane Biixi Imaan Cige ayaa maanta Shir-Guddoomiyay Kulanka Guddiga Dhaqaalaha Isbaddalka Cimilada.
Shirkan oo ahaa kii ugu horeeyay ee ay isugu yimaadaan guddigaan ayaa waxaa ka soo qeyb galay Wasiirada kala ah Wasiirka Qorsheynta, Wasiirka Deegaanka iyo Isbaddalka Cimilada, Agaasimayaasha Xafiisyada Madaxweynaha iyo Ra’isul Wasaaraha, Agaasimaha Sanduuqa Isnadalka Cimilada iyo Guddoomiyaha Bangiga Horumarinta iyo Dib-u-dhiska dalka.
Shirka ayaa intii uu socday waxaa looga dooday sidii sare loogu qaadi lahaa dhaqaalaha wax looga qabanayo saameynta isbaddalka cimilada iyo xoojinta maalgalinta mashaariicda wax ku oolka ah ee wax looga qabanayo saameynta cimilada ee arrimaha dhaqaalaha.
