Wasiirka Shaqada iyo Arrimaha Bulshada Xukuumadda Federaalka Soomaaliya Mudane Sadiiq Xersi Warfaa ayaa maanta booqday isbitaalka Martini oo loo asteeyay in lagu daweeyo bukaanada uu soo rito fayruska faafa ee Covid -19.
Wasiirka ayaa sheegay in dowladda Soomaaliya ay ku dadaaleyso sida ugu habboon, uguna dhaqsaha badan ee loo xakameeyo cudurka Covid-19 , wuxuuna ku dhiirrigaliyay Shaqada ay qaranka iyo Bulshada u hayaan howlwadeennada Caafimaadka.
“Shaqaalaha Rayidka ee Dowladda waxay xoojinayaan doorkooda la dagaallanka Covid-19 . Maanta waxaa idin ku soo biiray darawalo ku biiraya howlaha 24 saac ka socda isbitaalka, oo ka xeyn doonaa gaadiidka gurmadka deg dega ah.” ayuu yiri Wasiir Sadiiq Xersi Warfa.
