Shir jaraa’id oo uu maanta magaalada Cadaado ku qabtay wasiirka warfaafinta dawlad goboleedka Galmudug Maxamuud Aaden Cusmaan ayuu ku sheegay in dagaalladii maanta ay kula galeen kooxda Shabaab deegaanada Galhagiig, Dinooda, iyo Tawfiiq ee bariga gobolka Mudug ay jab iyo qasaaro wayn gaarsiiyeen kooxda Shabaab ee isku dayday inay amnigooda qalqal galiyaan.
Wasiirka ayaa xusay inay xalay qabteen Doon ay wateen horjoogayaal ka tirsan Al-shaab oo baxsad ahaa.
Wasiirka warfaafinta dawlad goboleedka Galmudug Maxamuud Aaden Cusmaan ayaa sheegay in maxaabiis hor leh ay maanta ku qabteen dagaalka ay ciidamada Galmudug ku sifaynayaan Shabaabka.
Ciidamada Galmudug ayaa maalmihii la soo dhaafay hawlgalo lagu sifaynayo kooxda shabaab ka waday bariga gobolka Mudug.
