Wasiirka Waxbarashada, Hiddaha iyo Tacliinta Sare ee Soomaaliya Mudane Cabadullaahi Goodax Bare ayaa maanta ku soo dhaweeyay Xafiiskiisa Safiirka Cusub ee dawladda Suudaan u fadhiya Soomaaliya Danjire Khalafalaah Mustafa Baabikir, waxa ay ka wada hadleen xiiriirka soo jireenka ah ee ka dhaxeeyo labada dal.
Related posts
Safiirka Dowladda Suudaan ayaa soo dhaweyay horumarka ay Wasaaraddu ka samaysay dhanka horumarinta manaahijta, Imtixaanaadka iyo guud ahaan waxbarashada dalka.
โโWaxaan soo dhaweynaa horumarka Dowladda Soomaaliya ay ka gaartay dhanka waxbarashada, Dowladda Suudaan waxa ay diyaar u tahay markasta in ay caawiso ardayda Soomaaliyeed iyo in aan kordhino Deeqaha waxbarasho oo ay helaan ardayda Soomaaliyeed” ayuu yiri Safiirka cusub Suudaan u fadhiya Soomaaliya Khalafalaah Mustafa Baabikir.
Wasiirka Waxbarashada, Hiddaha iyo tacliinta sare Mudane Cabdullaahi Goodax Bare ayaa bogaadiyay Xiriirka soo jireenka ah ee ka dhaxeeyo Suudaan iyo Soomaaliya.
“Waxaan maanta xafiiskeeyga ku soo dhaweyay Safiirka Cusub ee Dowladda Suudaan u fadhiya Soomaaliya Khalafalaah Mustafa Baabikir, waxaan kawada hadalnay xoojinta xiriirka soo jireenka ah ee labada dal ayadoo aan ognahay in ku dhawaad 7,000 oo arday Soomaaliyeed ay wax ku bartaan dalka Suudaan iyo sidii Ardayda Soomaaliyeed ee sanadkaan Suudaan Waxbarashada ka helay loogu fududeyn lahaa hawlahooda”. ayuu yiri Wasiir Goodax.
Safiirka Dowladda Suudaan waxa uu soo dhaweeyay horumarka ay Wasaaradda Waxbarashadaย ay ka sameysay manaahiijta iyo Imtixaanadka iyo guud ahaanba Waxbarashada dalka,
Waxa kale oo aan ka wada hadalnay in dib loo soo celiyo xiriirka dhanka Hiddaha iyo dhaqanka si fanaaniinta Suudaaniyiinta ah ay u yimaadaan Soomaaliya sidii beri samaadkii oo kale.
Ka Wasaarad ahaan Waxaa naga go’an in ardayda Soomaaliyeed ay gaaraan hamigooda ah in ay Waxbartaan.
