Wasiirka Waxbarasha, Hiddaha iyo Tacliinta sare Xukuumadda Fedaraalka Soomaaliya, Mudane. Cabdullaahi Abuukar Xaaji, ayaa soo xiray Shirka Wadatashiga Waxbarashada iyo Diyaarinta qorshaha Waxbarashadda ee Shanta sano ee soo socota.
Shirka ayaa waxaa ka qeyb galay Agaasimaha guud ee Wasaaradda Waxbarasha, Hiddaha iyo Tacliinta sare, Dowladda Federaalka, mudane Maxamed Abbi Xasan iyo Agaasimeyaasha guud ee wasaaradaha waxbarashada dowlad goboleedyada dalka, Agaasimeyaasha waaxyaha kala duwan iyo lataliyeyaasha Wasaaradda Waxbarasha, Hiddaha iyo Tacliinta sare.
Wasiirka Waxbarashadda ayaa ku amaanay khubarada Soomaaliyeed ee kasoo shaqeeyey diyaarinta qorshahan kaalintooda naf hurnimo, isagoo uga mahad celiyay qof kasta doorkii uu kulahaay diyaarinta qorshah Waxbarashada dalka kuwaasi oo isagu jiray, Khubaro Soomaaliyeed, Shaqaalaha Wasaaradda, Ururuada Waxbarashadda, Bahwadaagta Caalamiga ah ee taageera waxbarashadda Soomaaliya iyo guud ahaan bulshadda Soomaaliyeed ee ku biiriyayay aragtiyada Saliimka ah.
Diyaarinta qorshahaan oo soo bilowday bishii Janaayo 2021, ayaa la-tashiyo kala duwan lagala sameeyay Dowlada goboleedyada iyo guud ahaan bahda Waxbarashadda, waxaana lasoo bandhigi doono dhamaadka bishan Maarso ee Sanadkaan.
