Wasiirka Wasaaradda Waxbarashada Xukuumaadda Federaalka Soomaaliya,ayaa maanta daah-furay nidaam cusub oo lagula soconaayo waxbarashada Tacliinta Sare (Higher Education Management Information System).
Munaasabadda daah furka,ayaa waxaa kasoo qeyb galay Mas’uuliyiin kala duwan oo kala socday Waxbarashada dalka sida: Midowga Jaamacadaha dalka, Jaamacadda Umadda Soomaaliyeed, Hey’adda NIRA iyo khubaro kala duwan oo dhanka Waxbarashada ah.
Systemkaan cusub waxuu fududeynayaa la socodka xogta ardayga, Xogta Macallin, Sooyaalka Waxbarashada ardayda iyo Tasdiiqinta shahaadooyinka.
Waxbarashada dalka ayaa sanadba sanadka ka dambeeyo lagu sammeeynayay hormarin dhankasto leh.Wasiir Faarax Sheekh ayaa isku xilsaaray siday ubadka Soomaaliyeed u heli lahaayeen tacliin heerkeedu sarrayso.
