Wafdiga uu hogaaminayo Wasiirka Xanaanada Xoolaha,Dhirta iyo Daaqa Soomaaliya Mudane Siciid Xuseen Ciid ee maalmahaan booqashada shaqo ku joogay dalka Suudaan ayaa waxay shalay booqasho ku tageen Magaalada xeebta ah ee Port Sudan halkaas oo ay booqdeen Maxjarka weyn ee xoolaha laga dhoofiyo iyo Dekada Xoolaha eek u yaal magaalada Sawaakin,waxay kaloo booqdeen dhismayaasha taariikhiga eek u yaal magaalada Sawaakin iyo qaar kamid ah mashaariicda waaweyn eek u saabsan Xoolaha halkaas laga hirgaliyay sida Kawaanka weyn .
Wafdiga ayaa safarka ay ku tageen Port Sudan waxa ku weheliyay Wasiiru-dowlaha Xanaanada Xoolaha Suudaan Dr.Jacfar Abdalla iyo Wasiirka Dalxiiska iyo Magaaleynta ee Dowlad goboleedka Baxrul Axmar Saalax,Mayorka Magaalada Sawaakin iyo Taliyaha Ciidanka Gobolka iyo Madax kale duwan ooka tirsan gobolka Baxrulaxmar.
Related posts
Wafdiga markii ay tageen gobol Baxrul Axmar waxaa xafiiskiisa kusoo qaabilay Waaliga(Governor) Gobolka Baxrul Axmar Ahmed Ali Xaamid oo uga mahadnaqay booqashadooda isagoo u balanqaadey in wax kasta diyaar loola yahay waxkasta oo ay awoodaan.
Mudadii ay ku jireen safarka Wafdigu waxay u kuurgalayeenhorumarka weyn ee Suudaan ka gaartay dhaqida iyo horumarinta Xoolaha iyadoo mar walba laga duulayo sidii iskaashi iyo aqoon kororsi ama khibrad kororsi looga samayn lahaa dhinacyadaas.
Wafidga waxaa la filayaa in maanta oo kheshiis ah ay heshiis iskaashi oo dhinacyo badan taabanaya ย la saxiixdaan Wasaaradda Xanaanada Xoolaha Suudaan.
