Wasiiro Ka tirsan dowlad goboleedka Galmudug ayaa Maantay qeyb Galay wajiga labaad ee dhismaha Wadadda nabadda ee isku xirta xaafadaha Hormar iyo Wadajir, Taasi ee uu wado maamulka Dagmada Galkacyo.
Wasiirada maanta booqday waxaa ka mid ahaa Wasiirka Arrimaha Gudaha Cabdi Maxamed Jaamac Waayeel, Wasiirka Amniga Axmed Macalin Fiqi Wasiirk Warfaafinta Axmed Shire Falagle.
Wasiiradaan ayaa Kormeerkoodu ahaa u kuurgalidda halka uu marayo dhismaha wadada Nabad oo Ka Mid ah Mashaariicda Hormarineed isla markaana qeyb ka ah mashruuca Nabadda Iyo wadajirka Bulshada magaalada Gaalkacyo.
Duqa Dagmada Galkacyo Xirsi Yusuf Barre ayaa Warbixin ka siiyey wasiirada qaabka Shaqada ay usocodto iyo Marxalahidii kala duwanaa oo ay soo martay.
Wuxuuna Xusey in Caqabaddo badan ay la kulmeen inta ay Ku guda Jiraan dhismaha Wadda Isku Xirta Xafadaha Hormar Iyo wadajir Gaalkacyo.
Sidoo kale Wasiirada ayaa bogaadiyay mashriicdaan lagu hormarinayo Magaalada oo haatan laga dareemayo dib u kabashada dhicyada ganacsiga, dhismaha wadooyinka,iyo sidoo kale guud ahaan dhismaha casriga ee kusoo kordhaya Magaalada.
