Kulan looga hadlayay doorka Hayโaddaha Samafalka ee hoostaga Ururka iskaashiga Islaamka ay uga qeyb qaadan lahayeen gargaarka deg dega ah ee loo fidinayo dadka ay abaaruhu sameeyeen ayaa lagu qabtay magaalada Mqudisho.
Kulanka waxa soo qaban qaabiyay Guddiga Heerka Qaran ee Gurmadka Abaaraha waxaana shir Guddoominayay Wasiiro Dowlaha Wasaaradda Arrimaha gudaha waxaana lagu soo banmdhigay Xadiga abaaraha.a
Agaasihama Waaxda Samafalaka ee Wasaaradda Arimaha Gudaha Muqtaar ayaa sheegay inay Muhiimadu tahay in gurmadka la dadajiyo.
Maxamed Iidle Sabriye Madaxa Ururka Iskaashiga Islaamka ee Soomaaliya ayaa tilmaamay in muddo 3 maalmood gudahood ay uga jawaabayaan baaqa dowladda ee ah in gurmad deg deg ah la gaarsiiyo dadka ay saameeynta ku yeesheen abaaraha.
Wasiiro Dowlaha Wasaaradda Arimaha Gudaha ee Xukuumadda Soomaaliya Mudane Cabdirashiid Maxamed Xiddig ayaa ka dalbaday Hayโadaha Islaamiga ah ee hoostaga Ururuka Iskaashiga in waqti ka yar 24 saac ay uga soo jawaabayaan baaqa dowladda ee Gurmadka Abaaraha, isagoo raja wanagsan ka muujiyay in waqti fiican ay hayโadaha samafalka ka soo jawaabi doonaan.
โBalanqaad fiican ayay sameeyeen Hayโadaha Islaamka, waxaana rajaynaynaa inay uga soo jawaabaan wax ka yar 24 saac, waxaana leeyahay markale waa inaan la siyaaasadeen gurmadka Hayโad walba ama qof walba waa inuu ugu gurmadaa siduu awoodoโ ayuu yiri Wasiiru-dowlaha arrimaha gudaha.
Wasiiro Dowlaha ayaa qurba Joogta Soomaaliyeed u diray fariin ah inay si xoogan uga qeyb qaatan Gurmadka loo fidinayo dadka ay waxyeeleeyeen abaaraha.
Sawir Qaade:- Farxaan Suleymaan Daahir
