Wasiirka wasaarada Maaliyadda Galmudug Mudane Farxaan Cali Maxamuud ayaa kulan soo dhaweeyn ah ugu sameyay magaalada Dhuusamareeb Wasiiru-dowlaha Wasaaradda Tamara iyo Kheyraadka biyahya Xukuumadda Federaalka Soomaaliya Marwo Shukri Maxamuud Afrax oo socdaal shaqo ku tegtay magaalada Dhuusamareeb ee xarunta Gobolka Galgaduud.
Kulankaan oo ay goobjoog ka ahaayeen Senetoro, Xildhibaanno heer Federaal, Wasiiro iyo Xildhibaannada Galmudug ayaa ku soo dhamaaday marxabeen iyo soo dhaween.
Wasiir Shukri Afrax ayaa ka mahadcelisay kulanka soo dhaweenta ah ee loo sameeyay, iyada oo sheegtay in Wasiir Farxaan uu waxbadan u qabtay Galmudug, waxbadana u dhiman yihiin sidoo kale Wasiirka ayaa balan qaaday inta ay joogto Wasaarada Tamara iyo Kheyraadka biyaha in Galmudug qoondadeeda ay si hufan u heli doonto.
Marwo Shukri Maxamud Afrax ayaa xustay in Galmudud ay iminka ku talaabsatay horumaro badan, isla markaana Madaxda Galmudug ay ku bogaadineyso horumarinta deegaannada Maamulka.
Ugu dambeyn madaxdii ka qeyb gashay ayaa muujiyay sida ay ugu faraxsan yihiin booqashada Wasiir Shukri ee Caasimadda Galmudug, waxaana inta ay ku sugantahay Dhuusamareeb ay kormeer ku tegi doontaa xarumaha ay shaqo wadaaga yihiin si ay ugu kuurgasha baahiyaha halkaasi ka jirta.
