Wasiiru-Dowlaha Wasaaradda Maaliyadda Marwo Raaxo Janaqow ahna Ku Simaha Wasiirka Maaliyadda iyo Agaasimaha Guud ee Wasaaradda Mudane Saleemaan Sheekh Cumar ayaa maanta kormeer ku tagay Dekadda wayn ee magaalada Muqdisho oo ka mid ah ilaha ugu muhiim san dakhli soosaar ka gudaha.
Wasiir Raaxo ayaa kulan la qaadatay maamulka furdada Xamar iyo shaqaalahooda, iyaga oo warbixin ka siiyay shaqada Dekadda iyo hawlaha Dakhli aruurinta.
Maamulka iyo Saraakiisha Furdada ayaa sidoo kale warbixin ka siiyay Wasiiradda howlaha dar-dar gelinta iyo sare u qaadidda dakhliga ka soo xarooda Dekadda Muqdisho.
