Xildhibaanad Sacdiyo Careys Ciise Kaarshe iyo Guddoomiyaha Ururka Haweenka Qaranka Soomaaliyeed Batuulo Sheekh Axmed ayaa ka hadlay Mashaariicda dalka ay ka wadaan hay’adaha laga leeyahay dalka turkiga iyagoo walaalaha Turkiga uga tacsiyadeeyay dadkii uga geeriyooday Soomaaliya iyaga oo u gar-gaaraya Shacabka Soomaaliyeed.
Guddoomiyaha Ururka haweeanka Qaranka Soomaaliyeed Batuulo Sheekh Axmed Gaballe ayaa uga mahad celisay sida shacabka iyo Dowladda Turkiga ay u garab istaageen Umadda Soomaaliyeed.
“Waxaan u tacsiyadeynayaa aniga oo ku hadlaya Magaca Umadda Soomaliyeed Geeridii ku timid Walaalaha turkiga iyagoo gurmad u fidinaya Shacabka Soomaliyeed waxaan leeyahay intii dhimatay Janatul fardowsa alle haka waraabiyo” ayey tiri Guddoomiyaha Ururka Haweenka Qaranka Batuulo Gaballe.
Xildhibaanad Sacdiyo Careys Ciise oo xubin ka ah Guddiga Saxiibtinimo ee baarlamaannada Soomaaliya iyo Turkiga ayaa sheegtay in taarikh aan la Hilmaabi Karin Soomaaliya ku leeyihiin Shacabka iyo Dowladda Turkiga.
“waxaa muhiim noo ah inaan Taariikhdaasi hilmaamin oo aan xasuusnaano islamarkana ku qorno iskuulladeenna Baarlamaankeena dhigno waana walaalaha kaliya ee noo soo gurmaday mar labaad qofkasta oo Soomaali ah waa in la xusaa maalinta Taarikhda mudan oo ay garabkeenna istaageen Walaalaha Turkiga ” Ayey tiri Xil Sacdiyo Carays Ciise.
Dowladda Turkiga iyo Shacabka dalkaas ayaa Si dhab ah u garab is taagay Shacabka Soomaaliyeed xilli ay u baahnaayeen Cid Caawisa Walaalaha Turkiga ayaa ah kuwo qofkastoo Soomaali ah og Kalintoodii Waxqabasho taas oo ka dhigaysa in Turkiga shacabka Soomaliyeed iyo Dowladdooda ay u hayaan Abaal mudan in markasta la sheego lagana sheego meelkastoo mudan in lagu soo bandhigo waxqabadkii Soomaliya ay u Sameeyeen Turkiga.
